Një aksident rrugor ka ndodhur në fshatin Xibër të Dibrës. Një 28-vjeçar ka humbur kontrollin e makinës dhe është përplasur me një mjet tjetër.
Si pasojë e përplasjes ka mbetur e plagosur një pasagjere, e cila ndodhet jashtë rrezikut për jetën. Sakaq ka nisur procedimi në gjendje të lirë për shoferin 28-vjeçar.
Njoftimi i policisë:
Specialistët e sektorit të Policisë Rrugore, referuan materialet në Prokurori ku nisi procedimi në gjendje të lirë për shtetasin A.U., 28 vjeç, banues në Tiranë, pasi në fshatin Xibër, ka humbur kontrollin gjatë drejtimit të automjetit të tij dhe është përplasur me një automjet tjetër. Si pasojë ka mbetur e lënduar një pasagjere, e cila ndodhet në spital, jashtë rrezikut për jetën.
