Një ngjarje e rëndë kriminale është parandaluar në Tiranë, ku një 15-vjeçare kishte rënë pre e ngacmimit seksual në rrjetet sociale që mund të sillte pasoja të rënda.
Autoritetet policore raportojnë se 15-vjeçarja kishte bërë kallëzim se një shtetas i kishte hapur profile false në rrjete sociale dhe e shantazhonte për ti dërguar foto/video intime, si dhe për të kryer marrëdhënie seksuale me të.
Pas hetimeve, raportohet se në kuadër të operacionit policor të koduar “Intimiduesi” është arrestuar shtetasi Benard Çullhaj, 27 vjeç, banues në Tiranë. Raportohet se ky person më herët ka shantazhuar dhe dy të mitura të tjera në të njëjtën mënyrë.
“Nga verifikimet e kryera ka rezultuar se ky shtetas, i ka hapur profile false, një 15 vjeçareje, në rrjete sociale, e shantazhonte për ti dërguar foto/video intime dhe për të kryer marrëdhënie seksuale me të. Gjithashtu, nga veprimet hetimore të kryera, janë dokumentuar dy ngjarje të tjera të kësaj natyre kriminale, me autor të dyshuar 27-vjeçarin dhe dy të dëmtuara 15 dhe 16 vjeçe.” – thuhet në njoftimin e bluve të kryeqytetit.
Raportohet se janë sekuestruar qindra pamje filmike, foto/video, profile Tik-Tok dhe rrjrte të tjera sociale, të cilat do t’i në nështrohen një analize të thellë hetimore. Materialet procedurale për këtë rast i kaluan Prokurorisë, për veprime të mëtejshme.
Duke marrë në kosideratë, që këto raste sjellin pasoja të rënda, Policia e Tiranës i bën thirrje të gjithë përdoruesve të rrjeteve sociale, kryesisht grave dhe vajzave, që në çdo moment që do të konstatojnë profile me të dhënat ose fotot e tyre, që do të ndjejnë pasiguri ose frikë, të paraqiten pranë zyrave tona në DVP Tiranë, për të depozituar kallëzim.
