“Përçarja ka qenë dhurata më e mirë për qeverisjen e Edi Ramës” Kështu është shprehur kreu i grupit parlamentar të PD-së, Gazment Bardhi në prononcimin për mediat, pas nënshkrimit të marrëveshjes për krijimin e Federatës së Bashkuar të Opozitës.
I pyetur nëse a ka vend për Lulzim Bashën në tryezë e bashkimit të opozitës, Bardhi tha se “kushdo që është në opozitë dhe ndihet si i tillë e vetmja rrugë për tu forcuar është të bëhemi të gjithë bashkë.”
Gjithashtu, Bardhi bëri me dije se me ftesat për të qenë pjesë e platformës është marrë Agron Duka, ku sipas tij i ka dërguar ftesë kujtdo që ka menduar se është në opozitë.
“Biem dakord gjithë që kjo është një ditë e mirë për opozitën. Pas bashkimit në diveristet të PD, sot kemi edhe bashkimin e të gjitha forcave që janë deklaruar në opozitë, duke formalizuar federatën e opozitës së bashkuar. Në dy vite opozita e përçarë ka qenë dhurata më e mirë për qeverinë e Ramës. Cilido që është i përgjegjshëm në raport me atë që presin qytetarët, sot ka marrë një mesazh të mirë që jemi bërë të gjithë bashkë për të kundërshtuar deri në rrëzim regjimin e Ramës dhe për t’u bërë alternativë serioze. Ka qenë e hapur diskutimi për çdo parti, cilido është i lirë, që t’i bashkohet Federatës. z. Duka i ka dërguar ftesë kujtdo që ka menduar se është në opozit.
Basha duhet të ketë vend në tryezë? E ripërsëris, cilido që ndjehet në opozitë, e vetmja rrugë për t’u forcua është të bëhemi bashkë, në diversitet dhe të bashkuar rreth ideve, por nuk ka rrugë tjetër për t’i dalë përballë një qeverie që është forcuar edhe nga copëzimi i opozitës. Duhet të jemë bashkë për të qenë më të fortë.”, tha Bardhi.
