Një sherr që ka degraduar në përplasje fizike ka ndodhur në Korçë këtë të mërkurë. Dy vëllezër kanë dhunuar fizikisht një person i cili ka përfunduar në spital për shkak të dëmtimeve të marra.
Sakaq dy vëllezërit janë shpallur në kërkim nga policia.
“Më datë 14.02.2024, rreth orës 11:00, në lagjen nr. 8, Korçë, gjatë një konflikti për motive të dobëta, shtetasit Xh. H., dhe R. H., (vëllezër), banues në Korçë, dyshohet se kanë goditur me mjete të forta shtetasin S. S., i cili aktualisht ndodhet për mjekim në spitalin e Korçës.
Nga ana e Policisë po vijon puna për kapjen e dy autorëve të dyshuar të ngjarjes”,- njofton Policia.
Grupi hetimor po punon për sqarimin e plotë të rrethanave të ngjarjes.
