Pas gati dy vitesh mungesë, deputetët ish-kritikë me kryedemokratin Sali Berisha (të etiketuar në media si “grupi Bardhi”) janë rikthyer në selinë blu, ku morën pjesën në mbledhjen e grupit parlamentar, si dhe kryesinë e partisë.
Bashkimi në seli u përshëndet gjatë deklaratave publike të figurave kryesore të partisë. Kreu i grupit parlamentar, Gazment Bardhi dhe kreu i Këshillit Kombëtar Edi Paloka, e përshëndetën këtë zhvillim para mbledhjeve të strukturave përkatëse. Të njëjtin qëndrim mbajtën edhe deputetët e tjerë gjatë diskutimeve me dyer të mbyllura, apo reagimeve përmes rrjeteve sociale.
Si gjatë mbledhjes së grupit parlamentar ashtu dhe në atë të Këshillit Kombëtar diskutimet u fokusuan në protestës që ka thirrur opozita pasditen e 20 Shtatorit. Zhvillimi i mëtejshëm i aksionit opozitar dhe riorganizimi i partisë ishte gjithashtu tema të diskutimit.
Për Sali Berishës, “bashkim nuk ishte i thjeshtë pas përplasjeve të forta të vjeshtës së 2021, por njëkohësisht bashkimi më i natyrshëm i politikanëve të përgjegjshëm atdhetarë, demokratë të mandatuar nga elektorati i PD”.
“Ky bashkim i politikanëve, deputetëve tuaj, në diversitet, në shumësi mendimesh, e bëjnë forcën tonë politike më demokratike, më të fortë se ndonjëherë. Ky bashkim tregon se opozita është sot gati për fitore. Se opozita ka zgjuar luanin e fjetur të shqiptarëve dhe në 20 shkurt, nis betejën pa kthim në sheshet e Tiranës kundër diktaturës së Edi Ramës”, theksoi Berisha në fjalën e mbajtur gjatë protestës së zhvilluar poshtë banesës së tij këtë të hënë.
Ai u ndal edhe te kundërshtari politik Edi Rama, për të cilin tha se zhvillimi i sotëm e ka tronditur dhe për këtë ai përpiqet të kërcënojë me zgjedhje të parakohshme. “I them Edi Ramës se zgjedhjet do bëhen kur të dojë opozita dhe se ti ke fundin tënd”, theksoi Berisha.
Në mbledhjen e sotme në selinë blu munguan disa prej deputetëve demokratë për arsye se ndodheshin jashtë vendit, çështje shëndetësore apo angazhime të tjera personale. Të tjerë deputetë që cilën nuk ishin të pranishëm në selinë blu ishin Jordia Tabaku dhe Ferdinand Xhaferri.
