“Kur kanceri mësohet dhe luftohet duke lexuar “Google” tek kafeneja. Të gjithë janë ekspertë, vetëm mjekët nuk marrin vesh ! Vajguri çudibërës, Vitamina B17 dhe vezët e thëllëzës. Me 240 vezë (mos u frikësoni se janë të vogla), trajtohet anemia, me 1,080 kanceri i trurit”.
Ky është një nga shqetësimet e mëdha të mjekut të njohur hematolog, Sotiraq Lako. Ai ka bërë disa statuse ku ka treguar se shqiptarët po gabojnë shumë duke i besuar Google me mjekime popullore që trajtojnë sëmundje të rënda sikurse është edhe kanceri.
Lako, në një intervistë për emisionin “Good Morning Albania” në Euronews Albania, theksoi se një person që vuan nga kanceri konsumon shumë lëndë ushqimore. Mjeku zbuloi disa simptoma duke deklaruar se i sëmuri me kancer ha shumë ushqim por humb peshë dhe djersit.
“Një person që vuan nga kanceri konsumon shumë lëndë ushqimore por humb peshë dhe djersit. Ushqehen dhe qelizat normale dhe qelizat tumorale. Pacienti duhet të ushqehet sa më mirë të jetë e mundur. Sigurisht që duhet të merren sa më shumë lëngje”-tha ai.
