Personi që shihni në foton e mëposhtme është 30-vjeçari, Alger Çepele, i cili është dënuar me 18 muaj burg pasi u deklarua fajtor për prodhimin e bimëve narkotike në një fabrikë në Mbretërinë e Bashkuar.
Mediat vendase shkruajnë se oficerët gjetën Çepelen të fshehur në një dhomë gjumi të pasme së bashku me disa nga 304 bimët e kanabisit në gjendje të ndryshme rritjeje, të cilat ishin shpërndarë në disa dhoma.
Përveç bimëve, të cilat besohet se kanë një vlerë të përllogaritur në rrugë prej 45,000 £, oficerët sekuestruan gjithashtu tre telefona celularë, pajisje shoqëruese të nevojshme për të prodhuar bimën dhe një planifikues javor që përmban një orar të detajuar të ujitjes.
Cepele, i cili ishte banori i vetëm i shtëpisë në momentin e kontrollit, u arrestua dhe gjatë intervistës së tij në polici, ai dha një deklaratë të përgatitur ku thuhej se ishte shqiptar dhe kishte hyrë ilegalisht në Mbretërinë e Bashkuar më shumë se 18 muaj më parë.
Në deklaratë thuhej se ai kishte një shumë të madhe parash pasi kishte paguar për të hyrë në MB në pjesën e pasme të kamionit dhe iu tha të jetonte në adresë dhe të kujdesej për bimët e kanabisit për të shlyer këtë borxh./Northamtonchron.co.uk
