Pas më shumë se tre orësh, mjeku Edvin Prifti bashkë me avokatin e tij, kanë lënë ambientet e Prokurorisë së Posaçme (SPAK).
Mësohet se SPAK i ka komunikuar mjekut Edvin Prifti akuzat që rëndojnë ndaj tij, për veprën penale të korrupsionit dhe pastrim parash.
Mjeku i njohur u vendos nën akuzën e SPAK më 11 shkurt të vitit 2021, si pjesë e një hetimi të nisur ndaj 12 personave të tjerë që dyshohej se synonin të lironin disa të burgosur në burgun e Fushë-Krujës kundrejt përfitimeve monetare.
Prifti vetë u akuzua se mund të kishte marrë rryshfet për operimin e nënës së njërës prej sekretareve të gjykatës së Krujës, Manuela Mallakuçit, që ishte asokohe nën përgjim.
Në një prej shumë bisedave, Mallakuçi është kapur duke folur me Priftin që t’i kryente një operacion jashtë radhe nënës së saj në këmbim të parave. Gjatë kontrollit mjekut prifti iu gjetën afro 380 mijë euro, ndërsa iu sekuestruan 1 milionë euro.
Edvin Prifti i ka kundërshtuar akuzat dhe ka deklaruar se paratë i ka te gjitha te justifikuara.
