Pas kërkesës së Partisë Socialiste, Komisioni i Etikës, me votat e vetë mazhorancës, ka përjashtuar nga pjesëmarrja në komisione dhe në seancë plenare 4 deputetë demokratë Gazment Bardhi, Bledjon Nallbati, Asllan Dogjani dhe Flamur Noka.
Ndërkohë që për Bardhin përjashtimi është për 10 ditë, 3 të tjerët janë përjashtuar për 20 ditë nga seanca dhe komisionet.
Pas incidenteve të ditës së djeshme në kryesinë e kuvendit dhe atyre në seancën plenare të së hënës, Partia Socialiste kërkoi përjashtimin e deputetëve të opozitës, Bledion Nallbati, Asllan Dogjani, Flamur Noka dhe Gazmend Bardhi.
Ndërkohë në seancën e kësaj të enjteje do të mungojnë dhe 19 deputetët demokratë që u përjashtuan më 29 janar.
