Deputetet demokrate Sorina Koti dhe Ina Zhupa duke folur në protestën qytetare para parlamentit se, në Shqipëri po instalohet diktatura.
Deputetja Koti u ka bërë thirrje ndërkombëtarëve që të gjejnë rrugën dhe të shkojnë tek opozita.
Ndërsa deputetja Zhupa tha se sot në fytyrat e tyre, mbizotëron frika e fjalëve të Arben Ahmetaj.
Sorina Koti:
Ja ku jemi sonte të gjithë bashkë, deputetë qëndrestarë.
Çfarë na ndodhi ne sot. Na zbuan nga shtëpia jonë, nga parlamenti. Kjo është diktatura që po instalohet, kjo është ajo që po ju themi çdo ditë, dhe ju që po e shikoni.
Rruga jonë çfarë është; protesta, kjo na ka mbetur.
Unë e kam me ndërkombëtarët, nuk ka më heshtje, nuk ka më pse të tërhiqen, nuk ka demokraci, nuk mund të ketë stabilitet.
Ne po e gjejmë rrugën tonë, ta gjejnë ata tani rrugën drejt nesh.
Ina Zhupa:
Ne jemi si një ortek, do ta marrin përpara këtë qeverisje të korruptuar. Këta banditë të cilët qeverisin vetëm për të vjedhur dhe vjedhin për të marrë mandat tjetër.
Në atë parlament sot ishte kudo në fytyrat e tyre, frika e fjalëve të Arben Ahmetaj.
Siç i tradhtoi ai, ata do të hanë kokat e njëri tjetrit. Ashtu siç i tradhtoi ai, do të hanë kokat e njëri-tjetrit, ata do të shkatërrojnë njëri tjetrin se kanë vjedhur bashkë dhe nuk e mbajnë dot më peshën e mëkatit që u kanë bërë qytetarëve shqiptarë.
