Sekretari i Përgjithshëm i PD-së Flamur Noka tha për MCN Tv, se Arben Ahmetaj zbuloi se qeveria e Edi Ramës funksionon me kodet e mafias.
Noka theksoi se nëpërmjet intervistës së Ahmetajt u zbulua që SPAK ka fshehur pronarin e vërtetë të inceneratorit të Tiranës dhe bashkëpronarin Blerim Hoxha që ka 40% të aksioneve. Duke vijuar, Noka theksoi se SPAK organizatë kriminale që i shërben organizatës tjetër kriminale që është qeveria.
Sipas Nokës, Ahmetaj është një hajdut i madh, por ai nuk është i përfshirë tek çështja e inceneratorëve.
“Ahmetaj zbuloi atë që SPAK kishte fshehur dhe kjo është shumë e rëndë për çdo qytetar të këtij vendi kur kupton se ajo që u krijua si drejtësi e re rezulton të jetë një organizatë kriminale. Ahmetaj zbuloi se qeveria që shqiptarët prisnin t’i qeveriste nuk është ajo që i përfaqëson, por është organizatë kriminale më vete. Nga SPAK ishte fshehur fakti që pronari i vërtetë i inceneratorit të Tiranës është Veliaj, bashkëpronari Blerim Hoxha me 40% të aksioneve. Dumani i SKAPI-t para disa kohësh tha që ne nuk mund të ndërhyjmë te inceneratori i Tiranë se nuk ka pronar. Gënjeu publikisht, mashtroi shqiptarët. Organi që do hetonte krimin bëri krim. Në ligj shteti është pronar. Dhe kush është shteti tek inceneratori i Tiranës, është Veliaj, kanë futur bashkëpronarin me 40%. Janë letrat që Dumani i fshehu pasi urdhri është i tillë.
Ligji e thotë qartë, pronar është shteti dhe kush e përfaqëson bashkinë e Tiranës, Veliaj. Po të mos fliste Ahmetaj askush nuk do e dinte që një biznesmen Blerim Hoxha ka 40% të aksioneve se Dumani ka thënë që s’ka pronar. Ky është krim me dashje. Të zhdukësh provat e krimit do të thotë që po bën një krim më të rëndë. SPAK është organizatë kriminale që i shërben organizatës tjetër. Ahmetaj tregoi që kjo qeveri funksion me kodet e mafias. Edhe në këtë aspekt, përsëri organizatë kriminale e strukturuar. Kërcënimi që i është bërë nga kryeministri në mbledhje Ahmetajt është akti më i rëndë, që t’i thotë kryeministri, zëvendëskryeministrit do të shkosh në të sëmës dhe pas pak kohësh SKAP-i të turret dhe të nxjerrë urdhërarresti duke tentuar t’i lënë faturën e inceneratorit Ahmetajt, i cili është një hajdut i madh, por nuk është i përfshirë tek inceneratorët. Nuk ka asnjë gjurmë ligjore. Tek inceneratorët Ahmetaj s’ka gjurmë”, tha Noka.
