Një grabitje ka ndodhur në orët e para të zonës së Institutit në Tiranë.
Pre e grabitjes ka rënë një pikë këmbimi valutor në urën e Institutit ku autorët e maskuar kanë arritur të marrin një shumë prej 3 milionë lekësh të vjetra.
Grabitësit kanë çarë dhe shembur një pjesë të murit të brendshëm të ndërtesës për të hyrë brenda Exchange-s. Janë hapur kamerat e sigurisë por nuk janë mundur të identifikohen autorët për shkak se kanë qenë të maskuar. Ata kanë përdorur një automjet tip BMW për t’u larguar nga vendi i ngjarjes.
“Më datë 01.02.2024, gjatë natës, në Insitut Bujqësor, në rrugën “Kastriotët”, shtetas ende të paidentifkuar kanë dëmtuar murin e një subjekti për këmbimin valutor, në pronësi të shtetasit F. Gj., 59 vjeç, kanë marrë 300 000 lekë të rinj, dhe janë larguar. Punohet për identifikimin dhe kapjen e autorëve”, njofton policia.