Hakerët iranianë “Homeland Justice” kanë bërë të ditur mëngjesin e sotëm se kanë sulmuar faqen e Institutit Shqiptar të Statistikave.
Aktualisht faqja është e paaksesueshme nga qytetarët në motorët e kërkimit në Google.
“Paguani çmimin e injorimit të paralajmërimeve tona
Ndëshkimi juaj NUK do të përfundojë, ashtu siç keni dashur të jetë kështu…
Zoti i foli Moisiut në shkretëtirën e Sinait “ditën e parë” të “muajit të dytë” të “vitit të dytë” pasi izraelitët dolën nga Egjipti.”– shkruajnë hakerët në mesazhin e tyre.
“InStat tani është OutStad!
Numrat dhe shifrat, statistikat…
Ata janë të gjithë kundër jush
Ju jeni armiku juaj i vetëm
INJORANCA juaj është Torturuesi juaj
Kushdo që edhe i afrohet
tabernakulli i Zotit do të vdesë…”- shkruajnë hakerët në një tjetër mesazh krahas dy fotove që tregojnë se kanë siguruar të gjitha të dhënat.
Hakerët e Homeland Justice kanë vërtetuar edhe njëherë sesa e lehtë është të vidhen të dhënat e shqiptarëve.
Nga ana e INSTAT ende nuk ka një reagim zyrtar lidhur me situatën.
