Policia e Shtetit bën me dije se është kapur në Belgjikë 30-vjeçari nga Shkodra, Mark Preka, i cili ishte shpallur në kërkim ndërkombëtar nga autoritetet shqiptare.
Ai është kapur pas bashkëpunimit me Interpol Brukselin. Ndaj 30-vjeçarit, Gjykata e Shkodrës ka caktuar masën e sigurisë “Arrest në burg”, për veprat penale “Prodhimi dhe mbajtja pa leje e armëve, armëve shpërthyese dhe i municionit luftarak” dhe “Prishja e qetësisë publike”.
Në muajin korrik të vitit të kaluar, pas një konflikti me shtetasin A. Gj., ai e ka kanosur atë, në ambientet e një restoranti, me armë zjarri kallashnikov.
Shkak i konflikti mes tyre ishte një parakalim i gabuar me automjet, ku ai pas konfliktit verbal u largua dhe mori armën e zjarrit tip automatik që mbante me vete dhe i shkoi të riut në restorant.
