Java e 21-të e Kategorisë Superiore hapet me ndeshjen Laçi-Teuta. Skuadra e Mirel Josës do të kërkojnë që në shtëpi të pasojnë suksesin e fundit në transfertë ndaj Partizanit dhe me një trepikësh ndaj durrsakëve do të largoheshin edhe më shumë nga zona “e ftohtë”.
Ndërsa Teuta e trajnerit Edi Martini, e transformuar në merkaton e dimrit shpreson që kthesa e rezultateve të vijë pikërisht ndaj kurbinasve, në mënyrë që të nisë misioni i shpëtimit, duke ditur se pas 20 javësh janë të fundit në renditje me 17 pikë.
Të dy trajnerët kanë vendosur për formacionet që do të zbresin sot në orën 13:30 në stadiumin e Laçit.
FORMACIONET ZYRTARE:
LAÇI – TEUTA
Laçi: Dajsinani, Mjaki, Dajko, Paulo Zhunior, Prodani, Kryeziu, Qato, Tresa, Ujka, Melo, Sobouale. Trajner: Mirel Josa
Teuta: Vata, Kruja, Gjini, Jazxhi, Kotobelli, Peposhi, Arifi, Lloci, Faust, Çyrbja, Daci. Trajner: Edi Martini
