Ish-kryeministri i Shqipërisë, zoti Sali Berisha, tashmë si çdo mbrëmje, ka folur edhe sot nga dritarja e banesës së tij.
Ai e nisi fjalimin e tij duke falenderuar të gjithë mbështetësit e tij dhe duke shprehur mirënjohjen e tij të pakufijshme.
Berisha u shpreh se dy muaj më parë, grupi i deputetëve të Partisë Demokratike nisi në parlament një betejë pa kthim për mbrojtjen e të drejtave kushtetuese të shqiptarëve.
Ish-kryeministri tha se Rama po përpiqet që të largojë shqiptarët nga vendi dhe se çdo vendim i marrë prej tij është në interesat e tij dhe jo të shqiptarëve.
“Kemi përpara kryeministrin më të turpëruar të planetit, një kriminel ndërkombëtar i cili për karrigen e tij korrupton vendet udhëheqëse të NATO-s për të luftuar ju e opozitën”, tha Berisha.
Ai shtoi se një kauzë e drejtë nuk mposhtet kurrë dhe se i garanton shqiptarët se ai e ka mendjen, zemrën, sytë e veshët tek ata.
