Deputetë demokratë që prej tre muajsh hedhin flakadanë, mbulojnë me tym e bllokojnë seancën parlamentare mendojnë se kjo duhet të marrë fund. Nënkryetari i grupit parlamentar të PD-së, Ervin Salianji kërkon forma të reja reagimi nga opozitarët.
“Duhet një diversifikim, duke gjetur forma dhe mënyra të tjera radikalizimin duhet ta prodhojmë dhe me forma të tjera, me njerëzit. Ne nuk duhet të mbetemi peng vetëm i kësaj çështjeje, por duhet të diskutojmë për të gjitha temat e tjera që shqëtësojnë shoqërinë”, theksoi ai.
Qëllimin e nisjes së aksionit, Salianji e quan të përmbushur, megjithëse thekson se opozita duhet të vijojë të kërkojnë komisionet hetimore apo përbërjen në komisionin e reformës zgjedhore. Nëse ky bashkim rrezikon të marrë dhe shumë kohë, deputetët, edhe Salianji, mendon të marrë një rrugë tjetër.
“Nuk duhet zvaritur më, ne duhet të gjejmë një rrugë, ose të bashkohemi në diversitet ose, secili të mendojë të bëj politikën ashtu siç e mendon”, tha ai.
