Debat i ashpër është zhvilluar në parlamentin italian, ku pritet të ratifikohet marrëveshja Rama-Meloni për strehimin në vendin tonë të mijëra refugjatëve afrikanë që kapen në brigjet italiane.
Deputeti Alfonso Colucci, i partisë “5 Yjet”, ka kundërshtuar marrëveshjen duke thënë se shkel një sërë artikujsh të Kushtetutës Italiane. Gjatë fjalë së tij, ai tha se strehimi i 3 mijë refugjatëve në 3 kampe parashikohet të kushtojë 650 milionë euro, ndërsa në Itali me vetëm 52 milionë euro janë ndërtuar 10 qendra të tilla emigrantësh.
Sipas tij, marrëveshja është shërben vetëm si propagandë për kryeministren Giorgia Meloni dhe qeverinë e saj.
“Ka shkelje të të drejtave të njeriut. Artikujt e Kushtetutës garantojnë të drejtat e njerëzve në rrezik si, që shkelen nga marrëveshja në fjalë. Edhe në Shqipëri, një grup deputetësh kanë çuar në Kushtetutë për të vendosur. E gjithë kjo urgjencë, jo kushton të paktën 650 milionë euro, ne kemi shpenzuar për 10 qendra 52 milionë euro, ndërsa në Shqipëri me 650 milionë euro do bëhen 2.
Dhe kjo për 3000 emigrantë sepse e thotë qartë që nuk mund të strehohen më shumë se 750. Italia ka parë 115 mijë emirantë. Kjo nuk ka si qëllim të luftojë emigracionin. Këto 650 milionë euro ia merr shërbimeve esenciale të tjera. Këto para, do ishte më mirë t’i shpenzonit në Itali, si për sigurinë e brendshme dhe pë sigurinë e qytetarëve. Ju jeni populistë të orës së fundit, po çoni paratë tona në Shqipëri. Bëhet fjalë ekskluzivisht për një fushatë propagandistike. Sot fillon zyrtarisht fushata zgjedhore e Melonit”, deklaroi Colucci.
