Një 30-vjeçar shqiptar është arrestuar nga autoritetet në Britani, pasi ishte shpallur në kërkim për vrasje. Ngjarja daton që prej vitit 2019 në Spanjë, ku shqiptari ka vrarë një 24-vjeçar maroken, Soufin Mhara.
Pas arrestimit, pritet ekstradimi i tij drejt Spanjës, por në njoftimin e policisë spanjolle thuhet se i riu shqiptar është i përfshirë gjithashtu edhe në një organizatë të trafikut të drogës në Angli.
Sipas mediave të huaja, fotografia e vrasësit, i cili u largua nga vendi i ngjarjes pasi kreu krimin, tregonte një profil të pjesshëm të një mashkulli dhe u publikua në media në fund të vitit 2020. Dhe vetëm një ditë më parë është bërë i mundur identifikimi dhe arrestimi i tij.
Pritet që shqiptari të ekstradohet dhe të dalë para drejtësisë spanjolle.
