Shqiptaro-amerikan me origjinë nga Tropoja, Agron Neza është paraqitur këtë të hënë në Prokurorinë e Posaçme (SPAK).
Mësohet se çështja që Agron Neza do të merret në pyetje nga prokurët e SPAK është përmendja e tij në dosjen e ish zyrtarit të lartë të FBI-së, Charles Mcgonigal.
Ai nuk është akuzuar për asnjë vepër penale, por përmendet si personi A, i cili i ka paguar agjentit të FBI 225.000 dollar për influencë tek autoritetet shqiptare me përfitime në biznes, para që McGonigal nuk i ka deklarurar.
“Sipas dokumenteve të depozituara në Gjykatë, nga gushti 2017 dhe duke vazhduar deri në pensionimin e tij nga FBI në shtator 2018, McGonigal fshehu nga FBI natyrën e marrëdhënies së tij me një ish-oficer të huaj sigurie dhe një biznesmen i cili kishte interesa të vazhdueshme biznesi në vendet e huaja, dhe me qeveri të huaja. Në mënyrë të veçantë, McGonigal mori të paktën 225,000 dollarë para në dorë nga ky individ dhe udhëtoi jashtë vendit të dhe u takua me shtetas të huaj. Individi më vonë shërbeu si një burim i FBI-së në një hetim penal që përfshinte lobim politik të huaj mbi të cilin McGonigal kishte përgjegjësi zyrtare mbikëqyrëse.”– thuhej në njoftimin e Departamentit të Drejtësisë.
Gjithashtu, në aktakuzë tregohen shumë aktivitete të tjera të Agron Neza me ish zyrtarë të FBI, ku thuhet ‘’se në shtator 2017, në Shqipëri, i pandehuri McGonigal u prezantua nga personi A, pra Agron Neza, me një politikan i cili ishte njëherazi edhe biznesmen, i cili i tha të pandehurit McGonigal se donte dikë për të hetuar një atentat të dyshuar për ta vrarë atë”.
