Këshilli i Lartë Gjyqësor ka miratuar ditën e sotme mbrojtje të posaçme për gjyqtaren e Gjykatës së Shkallës së Parë në Tiranë, Arnisa Këlliçi.
Vendimi u mor pasi gjyqtarja mori letër kërcuese për vete dhe fëmijët e saj. Mbrojtja e posaçme nga Garda e Republikës është miratuar për një afat kohor 3 mujor me të drejtë rishikimi në fund të këtij afati.
Arnisa Këlliçi mori të shtunën një letër kërcënuese për të dhe familjen, duke kërkuar mbrojtje pranë Këshillit të Lartë Gjyqësor, si dhe hetime nga policia për të gjetur autorët.
Mësohet se hetimet janë duke vijuar, por ende nuk kanë arritur të identifikojnë kush ia ka nisur letrën me mesazhin kërcënues për jetën e magjistrates dhe fëmijëve të saj.
Në letrën e dërguar pranë KLGJ, Këlliçi pretendoi se ky ishte kërcënimi i dytë që i është bërë, pasi më herët ishte njoftuar edhe nga kancelari i Gjykatës së Tiranës për një kërcënim në emrin e saj.
Pjesë nga letra kërcënuese:
E dashur Arnisa.
Keni dy fëmijë ….. dhe ….. Mendoni për ta!
Si mund të rroni ju, e jo ata e kjo është e vërtetë.
Me respekt
