“Është antikushtetuese kjo që po bën Edi Rama në mënyrë që të bëjë një pseudoreformë me pengun e tij, Lulzim Basha”.
Kështu është shprehur deputetja e PD-së, Albana Vokshi në Ora News, teksa komentoi zhvillimet mbi reformën zgjedhore. Ajo u shpreh se mazhoranca u ka marrë të drejtën e përfaqësimit në Komision, kjo ishte arsyeja e protestës së sotme, sipas saj.
Vokshi tha më tej se proporcionaliteti duhet të jetë kriter kryesor në atë komision dhe se nuk mund që grupimi i Lulzim Bashës me vetëm 7 deputetë të ketë 3 përfaqësues si dhe bashkëkryetarin. Ajo paraljmëroi se do të vazhdojnë aksionin e tyre derisa të plotësohet kërkesa për ndryshimin e anëtarëve të opozitës në atë komision.
“Është PS, Edi Rama, mazhoranca që mua më ka marrë të drejtën e përfaqësimit, pra mua si opozitë. Më ka marrë të drejtën e bërjes transparencë, të drejtën e komisioneve hetimore. Më kanë marrë karrigen në përfaqësimin në komisionin e zgjedhores dhe unë isha aty për t’i marrë karrigen në mënyrë simbolike z. Gjiknuri. Është antikushtetuese kjo që po bën Edi Rama në mënyrë që të bëjë një pseudoreformë me pengun e tij, Lulzim Basha i përfaqësuar nga Alibeaj. Ka qënë një nga kushtet kryesore të opozitës në aksionin opozitar në Kuvend, ndryshimi i përbërjes në komisionin e zgjedhores. Nuk mund të bëhet një reformë bazuar në marrëveshjet okulte Rama-Basha. Jemi të vendosur që të moslejojmë jete parlamentare normale, përsa kohë nuk kemi të drejtën e përfaqësimit sipas proporcionalitet në komisionin e zgjedhores. Të gjitha partitë parlamentare të përfaqësohen në komision, që të japin rekomandime dhe sugjerime.
Kriteri kryesor është proporcionaliteti. Nuk mundet që 7×7 të bëjnë 42 edhe me matematikën e Bashës. 7 deputetë nuk mund të kenë bashkëkryetarin dhe 3 përfaqësues, ndërkohë që 50 deputetë mbeten të papërfaqësuar.
Rama bën gjithçka, nuk ka asnjë habi për ta bërë online, por ajo që ne po kërkojmë me shumicën e deputetëve është ndryshimi i përfaqësimit të opozitës në këtë komision, sepse dy vjet ky komision nuk u mblodh asnjëherë. E dështuan, e vdiqën në mënyrë të suksesshme Gjiknuri dhe Alibeaj.” – tha Albana Vokshi.
