Gjatë konferencës së sotme me gazetarët, Lulzim Basha ka folur dhe rreth reformës zgjedhore, të cilën e konsideroi si një teatër qesharak me regjisor Edi Ramën.
Basha deklaroi se ka një komplot, duke nisur nga Edi Rama, PS dhe më pas të tjerët, për të cilët tha se shahen ditën ndërsa natën bëjnë pazare për të mos lejuar listat e hapura.
“Teatrit i reformës zgjedhore dhe me ndihmën e regjisorit të kësaj shfaqjeje, Edi Ramës ka marrë dimensione qesharake gjatë kësaj jave. Debati është zhvendosur në lloj temash të tjera, se nuk dua të përdor gjuhë nënçmuese, por janë jo në thelbin e interesit ë shqiptarëve. Ka një komplot, duke nisur nga Edi Rama dhe PS dhe të tjerë bëjnë sikur shahen ditën, por natën bëjnë pazaret, që mos të kemi listën e hapur, që kandidatë të vazhdojnë t’i emërojnë kryetarët e partive dhe të jenë sipas emërimeve të tyre dhe të jenë produkt i kryetarëve të partive dhe jo produkt i zgjedhjes nga qytetarët. Hapen debate të qena dhe të paqenë, për të hequr debatin nga thelbi. Shfaqja e paradites ishte shfaqje e mirëkoordinuar njësoj si shfaqje e burrecëve që sulmuan zonjat deputete, për të hequr vëmendje nga interesi i qytetarëve”-u shpreh Basha.
Sipas Bashës, grupimi i Berishës dhe Bardhit, po ashtu edhe Rama nuk i duan listat e hapura.
“As Rama nuk i do listat e hapura. Nëse janë kundër listës së hapur nderi e do ta deklarojnë hapur. Duhet ti pyesni more ju jeni për lista të hapura? Mirë hoxhë çohu të ulet prifti por duhet ti pyesni a janë për lista të hapura. Nëse je kundër listës së hapur ke të njëjtin motiv si Rama nuk e doni komisionin për reformën zgjedhore. Nëse jeni për listë të hapur në vend që të bëni çohu prift të ulet hoxha, veproni ndryshe. Ky është debati që miqësisht i kërkoj dhe medias të mos e injorojmë javën e ardhshme. Që ky proces t’i shërbejë interesit të qytetarëve secila palë duhet të tregojë kartat. PD ka listat e hapura, vota e diasporës… katër kushte. PD dhe unë nuk do ti ndahemi këtij debati derisa shqiptarët ta kenë të qartë se kush po bën çfarë loje.” – tha Basha.
