Personi që shihni në foton e mëposhtme është 26-vjeçari shqiptar Xhonatan Pajo nga Poshnja e Dimalit, për të cilin autoritetet greke lëshuan një urdhër-arresti pasi dyshohet si i përfshirë në ekzekutimin e dy prej mafiozëve më të njohur në shtetin helen, Janis Skafturos (Xhaxha Xhoni) dhe Vasilis Rubetis (Rambo).
Dy mafiozët grek dyshohet se janë eliminuar prej grupeve virale. Janis Skafturos u ekzekutua me 15 plumba në prill të vitit 2022. Ndërsa Vassilis Roubetis u ekzekutua në qershor të vitit 2023 në Korydallos.
Aktualisht Xhonatan Pajo është i arrestuar në Malin e Zi. Ka dyshime se Pajo do të vriste një anëtar të lartë të një klani kriminal në Budva, pasi mendohet se është vrases me pagesë. Ndërkohë që policia greke ka bastisur banesën e Xhonatan Pajos në Athinë, ku janë gjetur provat që e implikojnë.
Gjatë arrestimit të tij në tetor 2023 në Mal të Zi, Xhonatani është paraqitur në mënyrë të rreme si shtetasi me inicialet P.V., dhe ka dorëzuar një dokument udhëtimi fals të Republikës së Greqisë.
Pajo ka tentuar të kalojë kufirin me Malin e Zi si këmbësor dhe gjatë kontrollit policia kufitare i ka konfiskuar një mjet të posaçëm për zhbllokimin e automjeteve, 4350 euro e 500 dollarë, patentë shoferi të falsifikuar dhe një kartë bankare si dhe sende të tjera.
Për vrasjen e Janis Skafturos dhe Vasilis Rubetis autoritetet greke kanë lëshuar dhe 6 urdhër-arrestet e tjera, më konkretisht për: 3 gjeorgjianë, 1 uzbekistanas, 1 rus dhe 1 grek. Ata akuzohen edhe për një tentative vrasje dhe disa shpërthime eksplozivi.
Burime policore thanë se arrestimet e sotme nuk kanë lidhje me ekzekutimin pak ditë më parë të një tjetër eksponenti të mafias greke, Vangjelis Zabunis, i cili u ekzekutua me 97 plumba një një pikë karburanti pronë e tij.
