Një 32-vjeçar është arrestuar nga policia në Tiranë, pasi ka grabitur me dhunë një shumë parash në një banesë në kryeqytet.
Blutë bëjnë me dije se në pranga ka rënë shtetasi me iniciale, D.O., banues në Prishtinë, pasi para dy ditësh ka hyrë në një banesë në rrugën “Sami Frashëri” dhe ka vjedhur një shumë parash.
Falë hetimeve të kryera policia identifikoi shtetasin dhe bëri të mundur lokalizimin dhe kapjen e tij.
Njoftimi i policisë:
Vodhi me dhunë një shumë parash, në një banesë, identifikohet, kapet dhe vihet në pranga 32-vjeçari.
Shërbimet e Komisariatit të Policisë Nr. 2, në vijim të punës për garantimin e sundimit të ligjit në territor, pas informacionit të marrë se në një banesë në rrugën “Sami Frashëri”, një shtetas, kishte vjedhur me dhunë një shunë parash, kanë organizuar punën për identifikimin dhe kapjen e autorit të dyshuar dhe si rezultat kanë vënë në pranga shtetasin:
– D. O., 32 vjeç, banues në Prishtinë.
Nga veprimet hetimore të kryera ka rezultuar se ky shtetas, më datë 15.01.2024, ka vjedhur me dhunë, në një banesë në rrugën “Sami Frashëri”, një shumë parash.
