Lulzim Basha shprehet i vendosur në mbajtjes e postit të bashkëkryetarit të komisionit të reformës së posaçme zgjedhore.
Pas përfundimit të seancës së sotme plenare, Basha tha për gazetarët se “Partia Demokratike, bashkë me përfaqësuesit ndërkombëtar, ja ka dalë të bindë palën tjetër për të nisur punën me komisionin bipartizan të reformës zgjedhore”.
Ndërkohë, PD e drejtuar nga Berisha kërkon përjashtimin e Enkelejd Alibeajt si nënkryetar i komisionit të posaçëm për reformën zgjedhore, pasi e konsideron atë dhe Bashën “vegla” të kryeministrit Edi Rama.
Më herët, në media u raportua se të mandatuarit e Edi Ramës dhe Lulzim Bashës në komisionin e “Zgjedhores” (bashkëkryetarët Damian Gjiknuri dhe Enkelejd Alibeaj) i kërkuan OSBE-së përmes një letre, ekspertë në fushën e zgjedhjeve për të asistuar punën e këtij komisioni.
Gjatë fjalës së tij, Basha dënoi dhe aksionin e deputetëve të PD-së së Berishës në Kuvend, duke e cilësuar “vazhdimi i teatrit me skenar dhe regji të Edi Ramës që pamundëson zërin e opozitës, mbajtjen e përgjegjësisë dhe dhënien e llogarisë që është funksioni i parlamentit”.
Më tej, kërkoi nga Presidenti Bajram Begaj të kthejë ndryshimet e miratuara nga socialistët për komisionet hetimore, si dhe të zhbëjë ndryshimet e rregullores së Kuvend, që parashikojnë ashpërsimin e dënimit për deputetët.
