Disa muaj nga vrasja e shtetasit, Orhan Bajrami është identifikuar autori i ngjarjes shqiptari, Gani Tusha. Ngjarja ndodhi në Hanioti të Kalkidikisë më 15 korrik të viti të kaluar ku disa persona qëlluan me një pistoletë “zastava” të kalibrit 7.65 mm në drejtim të Ohran Bajramit duke e lënë të vdekur. Nga kjo ngjarje mbeti i plagosur rëndë edhe Sead Sezlovijk.
Prej hetimeve të kryera rezultoi se autor është Gani Tusha, alias Marku, shtetas i Maqedonisë së Veriut me orgjinë shqiptare. Gjithashtu janë shpallur në kërkim edhe dy bashkëpunëtorë të tij, raportuan mediat greke.
Policia arriti të identifikojë autorin, pasi vetëm rreth 300 metra më tej nga vendi ku u ekzekutua Orham Barjami, u gjetën pistoleta zastava me 5 fishekë të kalibrit 7.65mm, e cila rezultoi të ishte edhe arma e krimit, një palë doreza, syzet e errëta dhe kapuçi që ekzekutori mbante për të mos u identifikuar.
Ato u analizuan me metodën e ADN dhe gjetjet e lëndëve organike në to të të dyshuarit, Gani Tusha. Policia greke ka bërë me dije se Tusha po mbahet në një burg të Shkupit pasi akuzohet se ka vrarë dy anëtarë të një organizate rivale marsin e kaluar.
