Kryeministri Edi Rama ka propozuar Adea Pirdenin si ministre e shtetit për Administratën Publike dhe Antikorrupsionin.
I ftuar në emisionin “Now me Erla Mwhillin” në Euronews Albania, Ylli Manjani është shprehur se me këtë lëvizje kreu i qeverisë ka bërë një autogol pasi për këtë punë është SPAK.
Më tej ai pati dhe kritika ndaj Ramës duke thënë se nuk di të qeverisë dhe se aktualisht lëvizjet po bëhen vetëm me anë të celularit.
“Rama ka një kalendar shumë të çuditshëm që tregon destabilitet. Një kryeministër serioz kur vendos të ndryshojë qeverinë, tundet vendi. Jep shumë arsye. Qeveria nuk është thjesht hyri një emër doli një emër. Po ta vini re me vëmendje kush është struktura e qeverisë shqiptare? Është një kaos strukturor i jashtëzakonshëm. Kjo është një qeveri celulari. Nuk ndodhin këto gjëra në një sistem qeverisës normal. Autokorrupsioni është një autogol, a e bën SPAK këtë? Nuk guxon kryeministër në botë të bëjë këtë që e ka bërë ky. Si do luftohet korrupsioni në qeveri”-tha ai.
