Qindra blektor të krahinës së Lumit të Vlorës kanë dalë mbrëmjen e kësaj të hëne në protestë për çmimin e qumështit. Blektorët thonë se sakrifikojnë çdo ditë me bagëtitë ndërsa grumbulluesit e qumështit kanë vendosur të ulin çmimin me gati 40% të vlerës. Edhe pse produktet e bulmetit nuk kanë pësuar rënie të çmimit, baxhot në unanimitet kanë vendosur që qumështin ta marrin me 120 lekë, nga 180 që ka qenë deri në dhjetor. Blektorët thonë se ky çmim nuk i mbulon kostot e shpenzimeve të tyre e as nuk justifikon punën e bërë.
Qindra banorë të cilët jetojnë e punojnë me gabëti janë mbledhur sot në fshatin Kot e thonë se nuk do dorëzojnë asnjë litër qumësht me këtë çmim. Po përfitojnë në kurrizin tonë, e po na detyrojnë të mos punojmë më thotë blektorët. Duke shtuar se rinia po detyrohet të braktis vendin vetëm nga abuzimet. Krahina e Lumit të Vlorës e ka të përqendruar aktivitetin në blektori, ku fatmirësisht sot gjetën dhjetra të rinj të angazhuar në këtë fushë, mirëpo vetë të rinjtë thonë se me këto çmime nuk ia dalin dot të punojnë. “Do detyrohemi të ikim dhe ne”, shtojnë blektorët e rinj në moshë. Sipas tyre protestat do vijojnë deri kur zëri i tyre të dëgjohet e të trajtohen me meritë për punën që bëjnë.
