Deputetja e PD-së, Albana Vokshi ka reaguar në lidhje me vetëflijimin e 41-vjeçares Bedrie Loka, nënë e 4 fëmijëve, teksa e konsideron si një (vet)vrasje të paralajmëruar.
Në një postim në rrjetet sociale, Vokshi shkruan se ende askush s’po mban përgjegjësi për këtë ngjarje të rëndëm, për mosfunksionimin e hallkave shtetërore.
Deputetja demokrate shton më tej se kryeparlamentarja Lindita Nikolla nxiton që të rikthejë për diskutim paketën që “e mbajnë në sirtar” prej dy vitesh, që kontrollon mediat on line, duke e shfrytëzuar fatkeqësinë për interesat e qëllimet e kahershme të Edi Ramës, për t’i mbyllur gojën cdo zëri kritik.
Vokshi shprehet më tej se në këtë (vet)vrasje të paralajmëruar ka dështuar Qeveria, Policia, Polita dhe Shoqëria Civile. Sipas saj, mekanizmi i referimit të mbrojtjes se grave nga dhuna nuk funksionon.
Deputetja deklaron se në një vend ku Kryeministri është nxitësi kryesor i dhunës, jetët e grave janë të rrezikuara, teksa u bën apel grave të reagojnë.
Reagimi i plotë:
Një tjetër kronikë e një (vet)vrasje të paralajmëruar!
Pas kaq orësh, askush nuk mban pergjegjesi për humbjen e jetës së një gruaje 41 vjecare, nënë e 4 fëmijëve!
Ministri i Brendshëm mjaftohet me një status të përgjithshëm në fb.
Lindita Nikolla nxiton të rikthejë për diskutim paketën që e mbajnë në sirtar prej dy vitesh, që kontrollon mediat on line, edhe pse BE, OSBE, Komisioni Venecias e kanë kundërshruar me forcë. Edhe fatkeqësinë e shfrytëzojnë për interesat e qëllimet e kahershme të Edi Ramës, për t’i mbyllur gojën cdo zëri kritik.
Pas kaq orësh, asnjë përgjegjësi për mosfunksionimin e hallkave shteterore!!
Edhe sa gra duhet të vriten që të ketë një reagim!!!
Kjo ngjarje e dhimbshme, e paralajmëruar, nuk u ndal dot.
– qeveria ka dështuar
– policia ka dështuar
– politika ka dështuar
– shoqëria civile ka dështuar
Sistemi i mbrojtjes së grave nga dhuna ka rënë. Mekanizmi i referimit të mbrojtjes se grave nga dhuna nuk funksionon.
Kjo ngjarje ishte e paralajmēruar si qindra ngjarje të tjera, por shteti nuk reagoi, shteti nuk e mbrojti 41 vjecaren, nënë e 4 fëmijëve.
Në një vend ku Kryeministri është nxitësi kryesor i dhunës, jetët e grave janë të rrezikuara.
Sot duhet reagim!
Gratë, nënat duhet të reagojnë, në mbrojtje të fëmijëve, në mbrojtje të familjeve.
O sot, o kurrë!
