Kreu i Partisë Demokratike, Sali Berisha reagoi pasi një ditë më parë, Kongresi amerikan publikoi të tjera detaje nga afera ‘Rama-McGonigal’.
Berisha shkruan se kryeministri Edi Rama është peng i Damian Gjiknurit dhe po përpiqet të shpëtojë nga kjo aferë.
Reagimi i plotë nga Sali Berisha:
“Rama, peng i Gjiknurit.
Të shpëtova nga djegësat, me shpëto nga McGonigal.
Ja si po shet Rama Gjiknurin, Gjushin dhe Doshin në aferën McGonigal.
Të dashur miq, tmerri i Edi Ramës nga fjala ime vjen në fakt nga vetja e tij, procesi McGonigal në të cilin Edi Rama rezulton se në Tiranë dhe Uashington ka vepruar si grup i strukturuar kriminal së bashku me McGonigal, me Duçkën dhe Nezën. Ky proces, që zhvillohet në shkurt, ka bërë që ai te shohë çdo natë ëndërr burgun e famshëm të Ishullit Rikers dhe të tmerrohet nga sulmet e mia si dikur njerëzit primitiv ndaj fenomeneve të natyrës .
Aktualisht Rama po përpiqet të shesë, në mbrojtje të vetes, Gjiknurin për licencën që i hoqi në kundërshtim me ligjin kompanisë mikse që e kishte dhe ia dha kompanisë ruse të Deripaskës.
Rama, gjithashtu me sa duket po shet Gjushin dhe Doshin duke pretenduar se nuk është ai, por Gjiknuri që i ka prezantuar ata me McGonigal, i cili thuhet se ju ka marrë secilit nga 5 milionë euro ryshfet për t’i hequr nga lista e non-gratave.
Por a do pranojë Gjiknuri, të cilit i thotë se unë të shpëtova nga djegësat, ti do më shpëtosh nga afera McGonigal, përndryshe flakët e djegësave të të shkrumbojnë karrierën e pasuri, mbetet për t’u parë. Një gjë është e sigurt, Rama është i pashpresë!”, shkruan Berisha.
