Kryetari i Forumit Rinor në Partinë Demokratike, Besart Xhaferri, ka folur mbëmjen e sotme për arrestin e shtëpisë të ish-kryeministrit Sali Berisha.
I ftuar në Ora News, Xhaferri u shpreh se nuk e shikon si shkelje faktin që Berisha foli nga ballkoni dhe se viti 2024 do jetë plot me protesta deri në rrëzimin e Edi Ramës.
Besart Xhaferri: Nuk e shof shkelje këtë gjë. Është tjetër gjë që Berisha është lideri i opozitës dhe njerëzit i vijnë poshtë dritares.
Berisha është i izoluar në shtëpi dhe po e respekton masën e arrestit. Por patjetër që do cojë edhe mesazhet sepse ka një detyrë publike.
Lideri i opozitës është detyra më e rëndësishmë. Shqipëria në 2024 është zgjuar në diktaturë.
2024 do jetë një vit plot me protesta deri në rrëzimin e Edi Ramës.
Është një dosje absurde. Është një dosje ku nuk ka akuzë dhe deri tani Berisha ka 3 masa sigurie.
