Janë zbardhur detaje të reja nga seanca gjyqësore e zhvilluar një ditë më parë në Gjykatën e Lezhës, ku u la nën masën e sigurisë “arrest me burg” 28-vjeçari portugez Ruben Saraiva, i dyshuar si autor i vrasjes së biznesmenit Ardian Nikulaj me 19 prill të vitit të kaluar në Shëngjin.
Mësohet se i riu i ekstraduar nga Maroku për tu përballur me drejtësinë shqiptare, ka qenë i veshur me antiplumb gjatë seancës gjyqësore, teksa është shprehur i frikësuar se mund t’i rrezikohej jeta gjatë qëndrimit në Shqipëri.
“Sa më gjatë të qëndroj në Shqipëri, aq më i rrezikuar jam”, mësohet të ketë thënë Ruben Saraiva i cili ka refuzuar të japë dhe gjeneralitetet e plota gjatë seancës gjyqësore të ditës së martë.
Gjtihashtu, vlen të theksohet fakti se ai ka mohuar përfshirjen në vrasje, ku ka deklaruar se akuzën e ka marrë vesh përmes medias dhe se në Shqipëri ka qenë për pushime.
Pas caktimit të masës së sigurisë “arrest në burg” pa afat, nën masa të rrepta sigurie, 28-vjeçari portugez u dërgua në Burgun e Reçit në Shkodër, nga ku mësohet se është hartuar një plan masash për garantimin e sigurisë së tij.
Ruben Saraiva u esktradua nga Maroku në Shqipëri në 31 dhjetor 2023. Portugezi u arrestua në muajin Maj në Marok, pak kohë pas vrasjes në Lezhë. Ai kërkohet nga drejtësia shqiptare, pasi dyshohet se në bashkëpunim me katër shtetas britanikë të paguar dhe Edmond Haxhian, kanë organizuar vrasjen e biznesmenit dhe politikanit lokal Ardian Nikulaj.
Të arrestuar në Britani të Madhe janë pjesa tjetër e grupit kriminal, Edmond Haxhia, Stephen Hunt, Thomas Mithan, Harriet Bridgeman dhe Harry Simson, për të cilët akoma nuk ka një vendim ekstradimi në Shqipëri.
Organizator i vrasjes së Nikulajt ishte shqiptari Edmond Haxhia, ndërsa 4 britanikët, së bashku me Simson kishin rolin e vëzhguesve. Sa i përket Saraivës, ai ishte personi që e qëlloi atë për vdekje.
Policia dyshon se ekzekutimi i biznesmenit Nikulaj është bërë për gjakmarrje. Oficerët e policisë po hetojnë mbi konfliktin 20 vjeçar që Nikulaj ka me fisin Lekstakaj. Pas vrasjes së Ardian Nikulajt, në muajin prill, në korrik u ekzekutua me armë zjarri në Balldre Nikolin Lekstakaj kurse në 2 dhjetor Etjan Nikulaj
