Gjermania u ka bërë thirrje qytetarëve të saj që të largohen nga Libani, duke paralajmëruar se mund të ketë një përshkallëzim të luftës Izrael-Hamas.
Vrasja e liderit të lartë të Hamasit ka shtuar frikën për përshkallëzimin e konfliktit, ndërsa kreu I Hezbollahut deklaroi se ky krim nuk do të lihet pa u ndëshkuar.
“Të gjithë shtetasit gjermanë, të cilët janë ende në Liban, u kërkohet të regjistrohen në listën e gatishmërisë për krizën ELEFAND dhe të largohen nga vendi sa më shpejt të jetë e mundur”, shkroi ministria e jashtme gjermane në X.
Izraeli dhe Hezbollahu kanë patur një rritje të tensionit mes tyre, kryesisht në kufirin jugor. Izraeli bëri të ditur se po sulmon bazat e Hamasit në Liban.
