Tre drejtues mjetesh janë proceduar penalisht. dhe mbi një mijë të tjerë janë gjobitur nga policia në Shkodër pasi kanë shkelur rregullat e qarkullimit rrugor.
Blutë bëjnë me dije se shoferët janë ndëshkuar për tejkalim shpejtësie, mosvendosje të rripit të sigurimit, si dhe parakalime të gabuara.
Njoftimi i plotë:
Si rezultat i kontrolleve, gjatë dy jave: janë proceduar në gjendje të lire 3 shtetas për veprën penale “Drejtimi i mjeteve në mënyrë të parregullt”.
Gjithashtu, si rezultat i monitorimit të akseve rrugore të qarkut, me shërbime të shtuara dhe me pajisje të logjistikës bashkëkohore, janë ndëshkuar administrativisht në total 1926 drejtues mjetesh, të ndarë konkretisht:
•Janë ndëshkuar 1018 drejtues mjetesh, për qarkullim me shpejtësi tej normave të lejuara;
•Janë ndëshkuar 221 drejtues mjetesh, për parakalime të gabuara;
•Janë ndëshkuar 68 drejtues mjetesh, për përdorim të celularit, gjatë drejtimit të mjetit;
•Janë ndëshkuar 26 drejtues motomjetesh, për mosvendosje të kaskës mbrojtëse;
•Janë ndëshkuar 108 drejtues automjetesh, për mosvendosjen e rripit të sigurimit;
•Janë ndëshkuar 409 drejtues automjetesh, për ndalim ose pushim të automjetit, në kundërshtim me sinjalistikën rrugore.
