Një çift është gjetur pa shenja jete këtë të dielë në Kosovë. Ngjarja ka ndodhur në Bjeshkët e Junikut, ku çifti i bashkëshortëve, konkretisht, Mic Tofaj dhe Fatlinda Maloku-Tofaj, janë gjetur të vdekur brenda një shtëpie banimi.
Rasti është konfirmuar edhe nga zëdhënësi i Prokurorisë Themelore të Pejës, Shkodran Nikçi, i cili tha se një prokuror i krimeve të rënda është duke shkuar në vendin e ngjarjes.
“Janë dy trupa të pajetë që janë gjetur në një shtëpi banimi në bjeshkët e Junikut. Prokurori i krimeve të rënda është duke shkuar në vend të ngjarjes”, tha ai.
Paraprakisht dyshohet se shkak për vdekjen e tyre është rryma elektrike.
