Ish-shefi i komisariatit të Kurbinit, Dritan Metaj, ka bërë rekurs në Gjykatën e Lartë, për vendimin e dhënë nga Apeli I GJKKO.
Metaj, kërkon zbutjen e masës së sigurisë, “arrest me burg”.
Për shkak të njohjeve të vjetra, Dritan Metaj dyshohet se lëvizte me makinën e tij, Gëzim Çelën nga Fushë Kuqja, i njohur ndryshe si “Baroni i drogës” për t’iu shmangur arrestimit nga Policia. Ata njiheshin bashkë që në kohën kur ishin kolegë, kur Gëzim Çela ishte efektiv policie.
Metaj u arrestua më 9 tetor të këtij viti, gjatë operacionit “flakë në det”. Ndërsa Gëzim Çela u arrestua pak javë më parë në Kosovë dhe pritet ekstradimi i tij në Shqipëri.
Ndërkohë Metaj ka pranuar fajësinë ku ka deklaruar: “Kam bërë gabim, por e kam bërë pasi e njihja më herët dhe nuk e shmangia dot”.
