Policia e Shtetit kërkon tu marri profilet e ADN të gjithë të dënuarve dhe të paraburgosurve që do të lirohen nga amnistia. Drejtoria e Përgjithshme e policisë i ka dërguar një shkresë Drejtorisë së Përgjithshmë të Burgjeve që mban datën 24 Nëntor 2023. Rrumbullaku kërkon bashkëpunimin e ministrisë së Drejtësisë dhe burgjeve me qëllim marrjen e kampionëve për çdo të dënuar apo të paraburgosur që përfiton nga amnistia.
“Meqenëse nga ana e ministrisë së Drejtësisë është duke u planifikuar një skeme amnistie, është e nevojshme bashkëpunimi për marrjen e mostrave të ADN-së të të burgosurve që do të përfitojnë nga kjo amnisti në të gjitha institucionet e vuajtjes së dënimit. Drejtoria e Përgjithshme e Policisë së Shtetit, shpreh gadishmërinë për të siguruar grupe ekspertësh dhe tampone për të bërë të mundur realizimin e këtij procesi.”
Sipas ligjeve në fuqi profili gjenetik i merret një personi me pëlqimin e tij, në rastet kur ai është i dyshuar për ngjarje të rënda kriminale. Deri më tani Drejtoria e Përgjithshme e Burgjeve, nuk ka mbajtur një qëndim në lidhje me këtë çëshjte. Por sipas burimeve pritet që shkresa të shkoj në të gjitha Institucionet e Ekzekutimeve të vendimeve penale, me qëllim që procesi të përfundojë përpara se të nisë zbatimi i amnistisë. Sipas projekt drafiti të ministrisë së Drejtësisë nga amnistia do të përfitojnë rreth 600 të dënuar apo paraburgosur.
AND-ja është prova më e fortë shkencore që do të kenë strukturat ligjzbatuese në rast të fajësisë së personave të dyshuar për përfshirje në ngjarje kriminale, ku mund të gjenden gjurmë biologjike në vendngjarje. Krijimi i një database të AND-së në policisë së shtetit, do tu vijë në ndihme uniformave blu për zbardhjen e ngjarjeve kriminale. Krahasimet mes tyre dhe profileve gjentike që mund të gjenden në skenën e krimit do të çojë në zbulimin e autorëve të ngjarjeve kriminale./TV Klan
