Një sher mes disa personave është regjistruar pasditen e kësaj të premte në Shkodër, ku për pasojë mësohet se dy persona janë plagosur me thikë.
Të plagosurit janë dërguar me urgjencë në spitalin e Shkodrës, teksa mbeten ende të paqarta arsyet e kësaj plagosjeje.
Nga informacionet paraprake dyshohet se kemi të bëjmë me një konlikt të çastit në rrugë. Ngjarja ka ndodhur në afërsi të stadiumit “Loro Boriçi”.
Policia ka mbërritur në vendngjarje dhe po punon për zbardhjen e plotë të rrethanave të krimit.
