Avokati i ish-kryeministrit Sali Berisha, Genc Gjokutaj u shpreh se Gjyakata Kushtetuese sot ka bërë një gafë juridike, një vetëvrsje teksa e quan unikale në histori që Gjykata Kushtetuese jep një vendim anti-kushtetues.
“Ne e ngritëm me forcë që Kuvendi ta shtynte seancën ose ta pezullonte deri sa gjykata kushtetuese të shprehet në lidhje me këtë argument, por sigurisht që ne në atë moment nuk mund të hipotezonim që Gjykata Kushtetuese sot, biles është bërë edhe një kërkesë nga deputetetë për përshpejtim të gjykimit të çështjes pasi me ezaurimin nga Parlamenti, ezaurohej kërkesa e pagjykuar, kështu që ata e rrëzuan siç jeni në dijeni.
Por sigurisht neve ishim të bindur në kërkimin tonë dhe jo vetëm për legjitimimin që Gjykata kushtetuese sot ka bërë një gafë juridike, është një vëtëvrasje që ka bërë Gjykata Kushtetuese, pra, është unikale në histori që Gjykata Kushtetuese jep një vendim anti-kushtetues.
Pjesa e fundit e materialit të Gjykatës Kushtetuese thotë “Për rrjedhojë, kërkuesi i grupit të dëputetëve nuk legjitimohet ti drejtohet Gjykatës pasi referuar mosmarrëveshjes së pretenduar të kopetencave, ai nuk është subjekt në komflit, pra nuk rezulton që të jetë marrë ndonjë kopetencë apo të jetë cënuar drejtpërdrejt në kopetencë“, tha Gjokutaj.
- Kushtetuesja rrëzon kërkesën e 30 deputetëve
Gjykatën Kushtetuese ka rrëzuar kërkesën e deputetëve të Partisë Demokratike, të cilët kërkuan pezullimin e vendimit të GJKKO-së për masën shtrënguese ndaj Sali Berishës e për rrjedhojë edhe pezullimin e arrestimit të tij.
Ligjvënësit demokratë pretenduan se masat “detyrim paraqitje” dhe bllokimi i pasaportës për kufizimin e daljes jashtë vendit të marra ndaj Sali Berishën më 20 tetor, për privatizimin e klubit Partizani, janë antikushtetuese dhe janë marrë pa u kërkuar paraprakisht autorizimi i Kuvendit.
Në kërkesën drejtuar Gjykatës Kushtetuese, demokratët kërkonin të zgjidhnin konfliktin e kompetencave ligjore mes SPAK dhe Kuvendit, “për sa i përket heqjes ose kufizimit të lirisë ndaj një Deputeti, në të gjitha format, kur këto kufizime të lirisë kryhen nga pushteti gjyqësor pa pyetur, pa kërkuar e pa marrë paraprakisht autorizimin e shprehur të Kuvendit”.
Sipas Gjykatës Kushtetuese, kërkesa e 30 deputetëve të PD-së, nuk plotëson kriteret ligjore paraprake për pranimin e saj për shqyrtim në seancë plenare. Trupa e gjyqtarëve arriti në konkluzionin se deputetët nuk legjitimohen për një ankim të tillë në kushtetuese, por këtë të drejtë e ka Kuvendi.
