Të tjera pamje janë publikuar nga ngjarja e rëndë që ndodhi mëngjesin e ditës së djeshme në Athinë, ku tre të rinj grekë mbetën të plagosur me armë zjarri.
Në pamje shihet se si tre të rinjtë janë konfliktuar fillimisht me dy shtetas të tjerë dhe më pas janë qëlluar me armë zjarri, njërit prej të cilëve plumbi i ka prekur kokën. Sipas informacioneve, të rinjtë kanë dëshmuar se sherri ka nisur për një motiv banal. Ata janë dërguar në spital për ndihmë mjekësore, dhe dy prej tyre raportohen në gjendje të rëndë.
Pak më herët policia greke njoftoi se dy autorët janë shtetas shqiptarë, dhe dyshohet se janë arratisur drejt Shqipërisë.
