Pas derbit të kryeqytetit ndeshja më e luftuar dhe emocionuese është Klasikja e Shqipërisë mes Tiranës dhe Vllaznisë. Ditën e nesërme do të luhet ky takim në “Selman Stërmasi” duke nisur që nga ora 13:30.
Një duel mjaft interesant që vë përballë dy ekipet më protagoniste në futbollin shqiptar dhe që janë më të titulluarat në vendin tonë. Ekipet nuk po kalojnë një moment të mirë në kampionat dhe ky duel është shumë i rëndësishëm për objektivat e skuadrave.
Kuqeblutë vijnë në këtë ndeshje pas fitores me Dinamon, me drejtuesit që tashmë kërkojnë një tjetër triumf që do të shijonte akoma më shumë. Pikërisht krerët e kuqebkuve janë pa “frena”, teksa sipas shtypit të shkruar u kanë “premtuar” lojtarëve premio për 3 pikët ndaj kryeqytetasve.
Bëhet me dije se janë plot 20 mijë euro është premio që do u shpërndahet lojtarëve të Vllazninë në rast se ia dalin të marrin 6 pikët ndaj Tiranës dhe Skënderbeut.
Një motivim për futbollistët dhe stafin e skuadrës për të vazhduar me rezultatet pozitive në kampionat dhe për të siguruar 6 pikë në dy ndeshjet e fundit të këtij viti. Siç duket 20 mijë euro për “kokën” e Tiranës dhe Skënderbeut për ta mbyllur vitin në Shkodër siç duhet.
