I dënuari me burg të përjetshëm, Arben Lleshi, mbeti i vdekur nga përplasja me armë në burgun e Peqinit.
Dyshohet se autor i krimit është i dënuari tjetër me burgim të përjetshëm, Sokol Mjacaj, i cili në viin 2015 vrau dy turistë çekë në tentativë për t’i grabitur.
Arben Lleshi, rezulton i dënuar nga drejtësia angleze për vrasjen e një bashkatdhetari, ngjarje e ndodhur disa vite më parë në Angli.
Lleshi u ekstradua drejt Shqipërisë në vitin 2016, ku u transferua për të vuajtur dënimin në burgun e sigurisë së lartë në Peqin.
Më 10 Prill 2012, ai vrau 29-vjeçarin Agim Hoxha. Në lidhje me këtë ngjarje u dënua me 3 vite burg edhe Afrim Lleshi. Ky i fundit bashkëpunoi në shfarosjen e trupit të viktimës, sipas asaj që raportuan mediat britanike asokohe.
Sipas autoriteteve, Arben Lleshi ditën e ngjarjes, ka blerë një levë, tela si dhe materiale të tjera që më pas i ka përdorur për vrasjen e Hoxhës.
Viktima u gjet në sediljen e pasme të një makine “Mercedes”. Për të humbur gjurmët, Lleshi i vendosi flakën makinës pranë Southampton.
Pas ngjarjes ai u arratis në Itali ku u kap një muaj më vonë nga autoritetet atje. Pas ekstradimit në Britaninë e Madhe ai u dënua me burg të përjetshëm në vitin 2013. Dyshohet se kjo ngjarje ndodhi si pasojë e çështjeve të drogës.
Disa viktima ndër vite në familjen Lleshi
Në familjen Lleshi në Shqipëri, gjatë viteve që kaluan ka pasur disa viktima të tjerë, ku janë vrarë dy xhaxhallarë të Arben Lleshit. Dyshimet në atë kohë për të dyja rastet ishin se u kryen për hakmarrje nga të afërm të Hoxhës.
Ai është autori i vrasjes së Agim Hoxhës, në 10 prill 2012.
Mediat britanike shkruanin atëherë se Hoxha u vra në një apartament në qytetin anglez të Southempton, dhe më pas, trupi i tij u dogj në një makinë tip “Mercedes Benz”.
Për këtë ngjarje është dënuar me burg edhe vëllai i Lleshit, 39-vjeçari Afrim Lleshi, i cili ka pranuar para gjykatës se ka bashkëpunuar në shfarosjen e trupit të viktimës.
Shkaku i vërtet i vrasjes nuk është bërë asnjëherë i ditur nga vëllezërit.
Lexo edhe:
Vrasja në burgun e Peqinit, dyshime se krimi ishte i paramenduar/ Si dështoi siguria
