Avokati, Arben Llangozi foli për hetimet e SPAK ndaj gazetarit Elton Qynon i cili dy ditë më parë për gati 10 orë u mbajt i mbyllur në ambientet e Prokurorisë së Posaçme.
Si mos mjaftonte kjo, gazetarit i kanë sekuestruar pajisjet kompjuterike madje policia ka ushtruar kontroll në banesën e gazetarit duke terrorizuar familjen e tij për një një gabim që prokurorët e SPAK duhet ta gjejnë diku tjetër.
Gjatë intervistës në MCN TV, Llangozi tha se i dyshuar kryesor për nxjerrjen e përgjimeve është prokurori i dosjes përgjegjëse, Behar Dibra.
Sipas Llangozit, Dibra duhet të hetohet për shkak se i kanë dalë përgjimet dhe fajin mos e gjejë tek gazetari.
“Është absurde sepse dispozita ligjore për të cilën akuzohet Qyno, pasi i akuzuar duhet të ishte zoti Behar Dibra. Ai ka të bëjë me prokurorin e policisë gjyqësore, ai do të mbulojë për veprimet e kryera dhe nuk dihet se kujt ja ka dhënë materiale dhe po merret tashmë me Qynon për të mbledhur informacion që ka dalë nga dosja e tij.
Gjithmonë është në kuadër të dyshimit, aty janë 6 persona që po merren me këtë dosje dhe një ndër ata 6 është zoti Behar Dibra. Përse duhet t’i besojmë prokurorit të çështjes Dibra dhe jo Qynos. Dibra është për të zbatuar detyrën dhe jo në shenjë hakmarrje të marrë një noterë të prokurorisë sic është Atalanta Zeqiri e cila është titulluar si noterë e prokurorëve, pra ajo çfarë kërkojnë prokurorët ajo vendos. Kjo është e tmerrshme dhe e rrezikshme pasi ai që duhet të ishte përpara përgjegjësisë penale ai tashmë po heton. Ata me patjetër duhet që të mos shpallë kompetencë.
Me atë mënyrë hetimi që unë pashë ndaj Qynos unë mendoj se shumë çështje do mbyllen nga ajo prokurori. Cili është përgjegjësi për nxjerrjen e këtij sekreti? Ai është në mënyrë të drejtpërdrejtë prokurori që është duke hetuar, Behar Dibra. Ai është prokurori që ka pas këto përgjigje dhe është i dyshuari kryesor që i ka nxjerrë këto përgjime. Janë 3 prokurorë dhe 3 oficerë, një nga këta 6 persona i ka nxjerrë dhe ia ka dhënë Qynos. Dibra duhet të hetohet për faktin që i kanë dalë përgjimet, Hetimi duhet ndaj zotit Dibra dhe oficerëve të policisë dhe jo ndaj Qynos i cili nuk është as prokuror as oficer policie”, tha Llangozi.
