Një ngjarje e rëndë ka ndodhur brenda burgut të sigurisë së lartë në Peqin.
Raportohet se dy persona kanë mbetur të plagosur rëndë si pasojë e një sherri me armë mes tre të dënuarve në burgun e sigurisë së lartë të Peqinit.
Sokol Mjacaj, Arben Lleshi, Indrit Shaqja janë tre të dënuarit përjetë që janë përplasur në burgun e Peqinit.
Burimet mediatike bëjnë me dije se ka qenë i dënuari Sokol Mjacaj që plagosi Indrit Shaqjen, kurse i dënuari tjetër Arben Lleshi dyshohet se ka humbur jetën.
I gjithë burgu i Peqinit është izoluar dhe ndodhet në gjendje gatishmërie.
Në vendngjarje janë Prokurori i Elbasanit, Drejtori i Përgjithshëm i Burgjeve, Drejtori i Përgjithshëm i Policisë së Shtetit, Forcat Operacionale të Drejtorisë së Përgjithshme të Burgjeve, Forcat RENEA.
Hetimin e ka marrë në dorë Prokuroria e Elbasanit.
Përplasja me armë në burgun e Peqinit, vdes një prej të dënuarve (EMRI)
Përplasje me armë në burgun e Peqinit, reagon Drejtoria e Përgjithshme e Burgjeve
