Ka ndërruar jetë një prej të plagosurve nga përplasja me armë në burgun e Peqinit. Burime bëjnë me dije se viktimë ka mbetur shtetasi, Arben Lleshi, teksa ui dënuari tjetër Indrit Shaqja ndodhet i plagosur rëndë.
Burime bëjnë me dije se i dënuari me burgim të përjetshëm Sokol Mjacaj ka qëlluar me armë zjarri pistoletë ndaj Arben Lleshit dhe Indrit Shaqja. Ngjarja ka ndodhur në ambientet e ajrimit të burgut, pas vendimit ministri i Drejtësisë, Ulsi Manja firmosi izolimin në regjimin “41 Biss” të të dënuarit Sokol Mjacaj.
Dyshohet se arma pistoletë të jetë futur në burgun e Peqinit me dron. Në vendin e ngjarjes Kryeprokurori i Elbasanit, Kreshnik Ajazi, Drejtori i Përgjithshem i Burgjeve, Drejtori i Përgjithshëm i Policisë së Shtetit, Forcat Operacionale të Drejtorisë së Përgjithshme të Burgjeve, Forcat RENEA.
Mësohet se Ilir Xhakja që ka mbetur i plagosur ndodhet jashtë rrezikut për jetën.
Kush është viktima Arben Lleshi?
Arben Lleshi nga fshati Laç-Bruçi i Matit ka qenë dënuar nga drejtësia angleze me 32 vite burg për vrasjen e një bashkatdhetari, ngjarje e ndodhur disa vite më parë.
Lleshi u soll në Shqipëri në Maj të vitit 2016. Arben Lleshi është autori i vrasjes së Agim Hoxhës, në 10 prill 2012. Mediat britanike shkruanin atëherë se Hoxha u vra në një apartament në qytetin anglez të Southempton, dhe më pas, trupi i tij u dogj në një makinë tip “Mercedes Benz”.
Për këtë ngjarje është dënuar me burg edhe vëllai i Lleshit, 39-vjeçari Afrim Lleshi, i cili ka pranuar para gjykatës se ka bashkëpunuar në shfarosjen e trupit të viktimës. Shkaku i vërtet i vrasjes nuk është asnjëherë i ditur nga vëllezërit.
