Mazhoranca ka përjashtuar për seancën e sotme plenare 13 deputetë të Partisë Demokratike, por edhe pse me një pjesë të mirë të opozitës jashtë Kuvendit, kryeparlamentarja Lindita Nikolla sërish e ka mbushur sallën plenare me një numër të lartë të punonjësve të Gardës së Republikës.
Siç shihet dhe në videon e mëposhtme, brenda sallë gardistët janë vendsur në rresht duke rrethuar të gjitha karriget e deputetëve të opozitës edhe pse ato janë bosh. Kjo për shkak se një pjesë tjetër gardistësh janë vendosur në gardh tek dera e Kuvendit, duke mos lejuar asnjë deputet të opozitës të futet brenda, as ata që nuk janë të përjashtuar.
Partia Demokratike ka paralajmëruar se nuk do të lejojë normalitetin e Kuvendit, deri në momentin kur mazhoranca të plotësojë kërkesat e tyre për ngritjen e komisioneve hetimore.
Për seancën e sotme, mazhoranca ka përjashtuar deputetë: Gazment Bardhi, Sali Berisha, Flamur Noka, Edi Paloka, Albana Vokshi, Elda Hoti, Ervin Salianji, Bledion Nallbati, Asllan Dogjani, Lefter Gështenja, Isuf Çelaj, Luan Baçi dhe Xhelal Mziu.
