Pamje dramatike dhe qesharake njëkohësisht.
Deputetët e mazhorancës u detyruan të futen nga një hyrje e kaldajës për në Kuvend.
Kjo për shkak se opozita kishte bllokuar të gjitha hyrjet e Kuvendit. Ndërkohë, pamjet u filmuan nga gazetarët, kurse kreu i opozitës, Sali Berisha tha se ata u futën nga vrima e miut.
“Ja filmojeni nga futen deputetët e Edi Ramës. Kësaj i thonë të futesh në parlament nga vrima e miut. Këtu u katandis narko-parlamenti Rama-Linda. Deputetët futen nga kjo dritare, e cila përfaqëson vrimën e miut. Ky është fundi i parlamentit, narkoparlamentit të narkoregjimit të Edi Ramës,” tha Berisha.
