Doris Pack kërkon reagimin e ndërkombëtarëve dhe ambasadave në Shqipëri lidhur me situatën e krijuar në parlament dhe mohimin e të drejtave të opozitës nga mazhoranca.
Këtë të enjte, deputetët e opozitës u ndaluan me forcë nga garda dhe nuk u lejuan të hyjnë në ambientet e seancës plenare dhe parlamentit. Pamjet u shpërndanë në rrjetin social “X” nga deputetja demokrate Albana Vokshi, e cila shprehet se kryeministri po vazhdon të pengojë të drejtat kushtetuese të opozitës në Parlament, duke bllokuar mbikëqyrjen e qeverisë, duke mohuar ngritjen e komisioneve hetimore, bllokuar nismat ligjore dhe interpelancat e opozitës dhe duke emëruar përfaqësuesit e saj në komisionet parlamentare.
Instead, @ediramaal further aggravated the situation by demanding a change in the Parliamentary Rules of Procedures, sanctioning the two-month expulsion of MPs from Parliamentary works for “misdemeanor”. Practically, temporary, taking out the mandate for an MP. https://t.co/RZCq4dv8Ka
— Albana Vokshi (@albana_vokshi) December 14, 2023
Po ashtu kujton edhe votimin nga mazhoranca të ndryshimeve në rregulloren e Kuvend, ku parashikohet ashpërsimi i masave ndëshkuese për deputetët dhe që synon pikërisht opozitën.
“Praktikisht, po tenton heqjen e përkohshme të mandatit të deputetit, i cili votohet nga mijëra qytetarë. Një sjellje e tillë tregon qartë tendencat autoritare të Edi Ramës për të asgjësuar opozitën dhe për të mbetur i lirë nga çdo kontroll institucional, veçanërisht në një kontekst të skandaleve të shumta korrupsioni të dokumentuara publikisht që përfshijnë atë dhe zyrtarë të qeverisë në të gjitha nivelet. Përjashtimi për dy muaj i deputetëve kundërshtarë, pa mundur të kryejnë asnjë detyrë, është kërcënim për demokracinë dhe pluralizmin në Shqipëri”, shton deputetja demokrate.
Në postimin e saj komenton ish-eurodeputetja, e cila kërkon reagim ndërkombëtar për çështjen.
“Ku janë Borrel, Von der Leyen, ambasadorët në Tiranë, kur do të zgjohen më në fund”, shprehet ajo.
