Janë zbardhur emrat e 15 urdhër-arresteve të lëshuara nga SPAK për aferën e inceneratorit të Tiranës, disa prej të cilëve ndodhen në burg apo në kërkim edhe për inceneratorin e Fierit apo të Elbasanit.
5 prej urdhër-arresteve janë caktuar masa sigurie “arrest shtëpie”, të cilat janë të pesta gra, ndërsa 10 të tjerët janë masa sigurie “arrest me burg”. Kryetari i Bashkisë së Tiranës, Erion Veliaj vazhdon të jetë i parkeshëm nga SPAK, teksa është lëshuar urdhër-arresti për Taulant Tushën, i cili mban postin e Drejtorit të Përgjithshëm të Punëve Publike në Bashkinë e Tiranës
Masa sigurie “arrest me burg” ka dhe për ish-ministrin Lefter Koka, i cili është dënuar për inceneratorin e Fierit dhe Elbasanit, për ish-deputetin Alqi Bllako, i cili po ashtu është dënuar për inceneratorin e Fier, si dhe për dy biznesmenët Mirel Mërtili dhe Klodian Zoto, të cilët vazhdojnë të jenë ende në kërkim.
Po ashtu, masë “arrest me burg” ka edhe për Pëllumb Abeshin, i cili ndodhet në qeli, pasi është arrestuar më herët edhe për aferat e inceneraotrëve të Elbasanit dhe Fierit. Abeshi ka qenë kryetari i Komisionit të Shpronësimit të ngritur me urdhër të Ministrisë së Mjedisit në kohën kur ky dikaster drejtohej nga Lefter Koka.
Më herët SPAK ka vendosur sekuestro ndaj inceneratorit të Tiranës, pasi nga hetimi paraprak zbuloi se Klodian Zoto dhe Mirel Mërtiri janë pronarët e vërtetë të projektit dhe se kompania ka lëshuar miliona euro fatura të falsifikuara, të paguara nga taksapaguesit e Tiranës, Durrësit e bashkive fqinje me të.
EMRAT:
Lefter Koka- arrest në burg
Alqi Bllako– arrest në burg
Pëllumb Abeshi– arrest në burg
Mirel Mërtiri- arrest në burg
Klodian Zoto- arrest në burg
Erjon Murataj- arrest në burg
Bledar Karoli- arrest në burg
Alba Thoma- arrest shtëpie
Valbona Ballgjini– arrest shtëpie
Taulant Tusha– arrest në burg
Namik Simixhiu- arrest në burg
Sidita Kopliku– arrest shtëpie
Etleva Kondi– arrest shtëpie
Jetmir Llapaj– arrest në burg
Sidita Tola– arrest shtëpie
Kush është Taulant Tusha?
Taulant Tushe ka qenë “syri dhe veshi” i kryebashiakut të Tiranës, Erion Veliaj, në Komisionin e Koncesionit për landfillin e Sharrës në Tiranë. Ai ka qenë ngjitur me Veliaj, që në ditët e para të pushtetit të Rilindjes. Në vitin 2013, Taulant Tusha mbante postin e Drejtorit të Shërbimeve Mbështetëse në Ministrinë për Çështje Sociale dhe Rinisë, të drejtuar nga Veliaj.
Ai emërohet Drejtor i Punëve Publike në Bashkinë e Tiranës, sapo Veliaj u zgjodh kryebashkiak, dhe vijon ta mbajë ende këtë detyrë. Ndërkohë, Taulant Tusha ka drejtuar edhe Bordin Drejtues të Ujësjellësit të Tiranës. Pas këtyre benefiteve profesionale, Tusha emërohet si “mëkëmbës” i Erion Veliajt në komisionin e koncesionit për landfillin e Sharrës, një procedurë tejet e dyshimtë.
“Boldnews.al” ka raportuar më herët për “firmën inkriminuese” të Veliajt, i cili u shpreh “parimisht dakord” për koncesionin e Sharrës, megjithëse ky qëndrim ishte në tagrin e Këshillit Bashkiak dhe kërkohej miratimi i të gjithë bashkive të Qarkut Tiranë.
Në “dakordësinë në parim” të Veliajt, me shumë mundësi ka një rol të dorës së parë edhe Taulant Tusha.
SPAK lëshon 15 urdhër-arreste për inceneratorin e Tiranës, “shpëton” Erion Veliaj
